మళ్లీ జైల్లో సంజయ్ దత్.. ముగిసిన పెరోల్

ముంబై : బాలీవుడ్ నటుడు సంజయ్ దత్ మళ్లీ పుణెలోని ఎర్రవాడ జైలుకు చేరుకున్నారు. గత డిసెంబర్ 21వ తేదీన పెరోల్ పై విడుదలైన సంజూబాబా.. గతంలో ఎప్పుడూ లేనట్లుగా తన పెరోల్ ను రెండుసార్లు పొడిగించుకున్నారు. దీనిపై తీవ్రస్థాయిలో విమర్శలు కూడా వచ్చాయి. తన భార్య మాన్యతకు ఆరోగ్యం బాగోలేదన్న కారణం చూపించి ఆయన పెరోల్ పొడగించుకున్నారు. ఆ గడువు ఎట్టకేలకు ముగిసింది.

1993 నాటి ముంబై పేలుళ్లకు ముందు ఏకే-56 తుపాకిని అక్రమంగా కలిగి ఉన్న నేరానికి గాను సంజయ్ దత్ ఐదేళ్ల కఠిన కారాగార శిక్ష అనుభవిస్తున్నారు. గత సంవత్సరం మే నెలలో టాడా కోర్టు ఎదుట లొంగిపోయాడు. పెరోల్ మీద విడుదల కావడంపై ఆయన ఇంటి ఎదుట, జైలు బయట కూడా పలువురు సంజయ్ దత్ కు వ్యతిరేకంగా నిరసన ప్రదర్శనలు చేశారు.