విటమిన్ - డి కావాలి

రాత్రిళ్లు నిద్ర ఆలస్యం. ఉదయం లేవడం ఆలస్యం. లేచాక ఆఫీసుకో, కాలేజికో... టైం అయిపోతుందంటూ ఉరుకులు పరుగులు పెట్టడం. కాస్త అటుఇటు తేడాగా దాదాపు అందరిదీ ఇదే జీవనశైలి. దీనివల్లే భారతీయుల్లో విటమిన్-డి కొరత ఏర్పడుతోంది అంటున్నాయి తాజా అధ్యయనాలు. "మన దేశ జనాభాలోని 84 శాతం మందిలో విటమిన్- డి కొరత ఉంది. కీళ్ల నొప్పులు, కండరాల బలహీనత, హృదయకోశ వ్యాధులకు ఈ లోపమే కారణం. అందుకే తరచుగా శరీరంలో విటమిన్- డి నిల్వలను పరీక్షించుకోవాలి. రోజూ కొద్దిసేపు శరీరంపై సూర్యరశ్మి పడేలా చూసుకోవాలి. లేకోతే ప్రమాదమ''ని హెచ్చరిస్తున్నారు వాళ్లు. ఉదయం, సాయంత్రం వేళల్లో వెలువడే సూర్యకిరణాల్లో విటమిన్-డి ఉంటుందని వైద్యులు సూచిస్తున్నారు కాబట్టి బద్ధకాన్ని వదిలి రోజూ కొంత విటమిన్-డిని శరీరానికి అందించండి.