సెలబ్రిటీలూ మనుషులే అని, వాళ్లకీ మనసు ఉంటుందని గ్రహించాలని, ఇష్టం వచ్చినట్లు నోరుపారేసుకోకూడదని అంటున్నారు రేణూ దేశాయ్. ఎంత బాధపడి ఉంటే ఆమె ఇలా అని ఉంటారో ఊహించవచ్చు. పవన్ కల్యాణ్‌ని పెళ్లి చేసుకుని, రేణు ఇద్దరు బిడ్డలకు తల్లయిన విషయం తెలిసిందే. తెలుగులో తొలి సినిమా ‘బద్రి’ చేసినప్పుడు, పవన్‌తో ఆమె ప్రేమలో పడటం, ఆ తర్వాత సినిమాలకు ఫుల్‌స్టాప్ పెట్టడం కూడా విదితమే. ఇద్దరూ సహజీవనం చేయడం మొదలుపెట్టిన తర్వాత ‘జానీ’ చిత్రంలో నటించిన విషయం ప్రత్యేకంగా చెప్పక్కర్లేదు. ఇక, పరిస్థితుల వల్ల రేణూ మెడలో పవన్ మూడు ముళ్లు వేయడం, ఈ మధ్యే ఇద్దరూ విడిపోవడం కూడా కొత్త విషయాలు కాదు.
ప్రస్తుతం పుణేలో ఉంటున్న రేణూ దేశాయ్ మరాఠీ భాషలో ‘మంగలాష్టక్ వన్స్ మోర్’ అనే చిత్రం నిర్మించారు. ఈ చిత్రవిశేషాలను తన ఫేస్‌బుక్ ద్వారా వివరించేవారు రేణు. అయితే ఈ ఫేస్‌బుక్కే తన మనసుని బాధపెడుతుందని ఊహించి ఉండరు. ఆమె ఫేస్‌బుక్‌కి ఎవరో అభ్యంతరకర మెసేజ్‌లు పంపిస్తున్నారట. వాటి గురించి రేణు స్పందిస్తూ -‘‘నా వ్యక్తిగత జీవితానికి సంబంధించి వస్తున్న ఈ మెసేజ్‌లతో నేను విసుగెత్తిపోయాను. ఇకనుంచి, నేను ఇన్‌బాక్స్ మెసేజ్ ఆప్షన్‌ని ఆఫ్ చేసేస్తున్నా. నాకు తెలుసు మీ అందరూ వీరాభిమానులని (పవన్ కల్యాణ్ అభిమానులను ఉద్దేశించి అని ఊహించవచ్చు). కానీ, సెలబ్రిటీలు కూడా మనుషులని గ్రహించండి. అందరిలానే మాక్కూడా భావోద్వేగాలుంటాయని, మా మనసులూ బాధపడతాయని తెలుసుకోండి. కొంచెం ఎదగండి’’ అని ఫేస్‌బుక్‌లో పోస్ట్ చేశారు.
About the Author
0 comments:
Post a Comment